"Sayyid Muhyiddin maxdum" da qabul imtihonlari boshlandi
Joriy yilning 12 - iyul kuni Andijon viloyati, Oltinko‘l tumanidagi "Sayyid Muhyiddin maxdum" o‘rta maxsus islom bilim yurtida 2016-2017 o‘quv yili uchun qabul imtihonlari boshlandi.
Qabul imtihonlari mobaynida Ota-onalar hamda abituriyentlarga qulaylik yaratish maqsadida salqin ichimliklar va shinam kutish joylari tashkil qilindi. Qabul imtihonlari oldidan o‘tkazilgan yig‘ilishda imtihon savollari solingan maxsus muhrlangan qoplar, Din ishlari bo‘yicha qo‘mita va O‘zbekiston musulmonlari idorasi tomonidan tayinlangan vakillar hamda abituriyentlar va ota-onalar tomonidan chiqqan vakillar guvohligida ochildi.
Yig‘ilishda so‘zga chiqqan bilim yurti mudiri N.Qodirov, bu yaratilgan sharoitlarning hammasi Istiqlolimiz sharofati, Osmonimiz musaffoligi, Vatanimiz tinchligi va osoyishtaligidan ekanini farax bilan ta’kidlab o‘tdi.
Yig‘ilishdan so‘ng barcha abituriyentlar o‘zlari uchun ajratilgan o‘quv xonalarida ona-tili, ma’naviyat, chet tili va tarix fanlaridan imtihon topshirdilar.
Imtihon natijalari ya’ni mandat 2016 yil 15-iyul kuni e’lon qilinadi.
