“Muhammad ibn Ahmad al-Beruniy” da ustozlar bilan uchrashuv

   Mirziyoyev tomonidan joriy yil “Xalq bilan muloqot va inson manfaatlari yili” deb e’lon qilinishi munosabati bilan Imom Buxoriy nomidagi Toshkent islom instituti Tahfizul-Qur’on kafedrasi mudiri, Toshkent shahar “Novza” jome masjidi imom-xatibi J.Hamroqulov va Toshkent shahri “Nasirxon” jome masjidi imom-xatibi J.Raupov 2017 yil 21 fevral kuni Qoraqalpog‘iston Respublikasi “Muhammad ibn Ahmad al-Beruniy” o‘rta maxsus islom bilim yurtiga tashrif buyurdilar. Bu haqda muslim.uz xabar beradi. 
    Tashrif davomida ustoz domlalar bilim yurti o‘qituvchi va talabalari ishtirokida davra suhbati o‘tkazdilar. Tashrif buyurgan domlalar ustozlarga hurmat, tinchligimizning qadriga yetish, ilm olishning fazilat haqida gapirib o‘tdilar. Talabalarga bilim yurtida olgan ilmlarini kelajakda Vatanimiz rivoji yo‘lida sarflab, yurtimiz tichligiga munosib xissa qo‘shishlariga tilak bildirdilar.
    Shundan so‘ng tashrif buyurgan domlalar bilim yurtida talabalar uchun yaratilgan imkoniyatlar va qulayliklar bilan yaqindan tanishishdi.