"Hazrati Imom" jome masjidida mavlidi sharif o‘qildi
Yurtimizga Rabi’ul avval oyi ham kirib keldi. Bu haqda muslim.uz sayti xabar bermoqda. Ushbu oyda Payg‘ambarimiz Muhammad (sollallohu alayhi vasallam)ning siyratlarini o‘rganish, xayrli tadbirlar amalga oshirish an’anaga aylangan. Xuddi shunday tadbirlardan biri bugun, Rabi’ul avvalning 3 kuni, 02 dekabr sanasida poytaxtimizning "Hazrati Imom" jome masjidida mavlidi sharif tadbiri bo‘lib o‘tdi. Unda O‘zbekiston musulmonlari idorasi raisi, muftiy Usmonxon Alimov hamda boshqa ulamolar qatnashishdi. Payg‘ambarimiz Muhammad (sollallohu alayhi vasallam)ga salavotlar aytib, mavlid so‘ngida xalqimiz farovonligi, yurtimiz ravnaqini so‘rab ko‘plab duolar qilindi.