Muxlislarga tuhfamiz
Assalomu alaykum, aziz muxlislar. Ma’lumki, Toshkent shahar Shayxontohur tuman bosh imom - xatibi hamda “Shayx Zayniddin” jome’ masjidi imom - xatibi Odilxon qori Yunusxon o‘g‘li muallifligida kitoblar nashr etilgan, ovozli to‘plamlar muxlislarga yetkazilgan. Bugun muxlislarga xushxabarimiz bor. Ilm - ma’rifat chirog‘ining yana bir fonusi qalbingizni yoritadi, degan umiddamiz. Ya’ni, siz azizlarga Odilxon qori Yunusxon o‘g‘lining 2013 yildagi juma ma’ruzalari asosida DVD formatda “Juma ma’vezalari” 1 – va 2 – fasllari taqdim etilmoqda. Unda “Taqvoning fazilati”, “Xotira va qadrlash hikmati”, “Obod turmush saodati”, “Dehqonchilik rizq ochuvchi Allohning ulug‘ bir ishidir”, “Istig‘for qalb taskini”, “Farzand buyuk ne’matdir”, “Isro va Me’roj” mavzularida ma’ruzalar tinglaysiz.
Ushbu tuhfamizni bekamu – ko‘st, chiroyli holatda yetib borishi uchun biroz mashaqqat chekildi. Ajrini Alloh hammamizga nasib aylasin. Bugun mazkur to‘plamlar sizning uyingizdagi kitob javoningizdan o‘rin olishidan xursandmiz. Ilm – ma’rifatga bo‘lgan ixlosingiz hech qachon so‘nmasin.
"Shayx Zayniddin" jome masjidi matbuot xizmati