YuNESKO tomonidan Islom dini mukofotlandi
2016 yilning 4 iyul kuni xalqaro YuNESKO tashkiloti tomonidan tashkillashtirilgan matbuot konferensiyasida, Islom dini – Dunyodagi eng tinchlikparvar din deb, e’lon qilindi va sertifikat bilan taqdirlandi.
Albatta, bu oliy mukofotga sazovor bo‘lish jarayoni oson kechmadi. Jumladan, YuNESKO mutaxassislari Xalqaro tinchlik tashkiloti bilan hamkorlikda olti oy davomida, dunyodagi barcha dinlarni o‘rganib chiqishdi va ushbu xulosaga kelishdi.
Konferensiyada Xalqaro tinchlik tashkilotining “Qiyosiy tadqiqotlar” bo‘limi boshlig‘i Robert Mak so‘zga chiqib: “Biz olti oy davomida izlanishlar va so‘rovnomalar olib bordik hamda Islomni dunyodagi eng tinchlikparvar din ekanini aniqladik”, dedi. Suhbat yakunida Robert Makdan, yaqinda Iroq poytaxti Bag‘dod shahrida Islom dini nomidan amalga oshirilgan qo‘poruvchilik harakatlari haqida so‘ralganda, quyidagicha javob berdi: “Bu qo‘poruvchiliklarning mutlaqo Islomga aloqasi yo‘q. Terror – hech bir dinga mansub emas. U din va millat tanlamaydi. Islomga kelsak, uning mohiyatida tinchlik yotadi. Zero, Islom so‘zi – tinchlik degan ma’noni bildiradi”.
Shuningdek konferensiyada, tashkilot muharriri Mofat Javed so‘zga chiqib, YuNESKO tomonidan berilgan sertifikat, Islom dini va musulmonlarga nisbatan noto‘g‘ri tassavurlar va gap-so‘zlarga barham berishiga umid bildirdi.
Ushbu sertifikat dunyoning nufuzli shaxslari va turli din rahbarlari tomonidan mamnuniyat bilan qarshi olindi. Jumladan, Dalay Lama bu haqida fikr bildirib, boshqa din vakillari mehribonlik va shafqatni tinchlik dini bo‘lgan – Islomdan o‘rganishi kerak, dedi.
