Tramp musulmonlar AQShga xavf solmasligini anglab yetdi chog‘i
AQShga yangi saylangan prezident Donald Tramp mamlakatga musulmonlarni kiritishni ta’qiqlash haqida o‘z dasturiga kiritgan bandni saytda o‘chirib tashladi, deb xabar beradi TASS.
Material saylov kuni—8 noyabrga qadar mavjud bo‘lgan. Yangi prezident nomi ma’lum bo‘lishiga yaqin ma’lumot g‘oyib bo‘lgan. Mazkur bo‘limga kirgan foydalanuvchi to‘g‘ridan-to‘g‘ri asosiy bosh sahifaga o‘tib qolmoqda.
Bundan avval CNN telekanaligi intervyu bergan respublikachi siyosatchi saylovda antiislom kayfiyatiga qaramay Trampni musulmon do‘stlari ham qo‘llab-quvvatlashini bildirgandi.