Tavof paytida selfini taqiqlashni istashmoqda
Saudiya Arabistonida ziyoratchilar tavof chog‘ida selfi rasm olishni taqiqlash kerakligini aytishmoqda. Ziyoratchilarning fikricha, Ka’bani tavof qilayotgan chog‘da surat yoki videoga olish jamoatchilikka ma’lum noqulaylik tug‘diradi, ibodat amallarini bajarayotganlarning xayolini chalg‘itadi. Ana shunday taklif muqaddas Ramazon oyida o‘rtaga tashlanmoqda.
"Odamlar o‘zini yoki oilasini suratga tushirish uchun tez-tez to‘xtaydi. Bu, albatta, uning ortidan kelayotganlarga halaqit beradi, chalg‘itadi. Ayniqsa, bu jismoniy imkoniyati cheklangan odamlar uchun ma’lum qiyinchilik tug‘diradi", - deydi ziyoratchi Hasan al-Hamdiy.