Saudiyalik olimlar saratonni oltin bilan davolashni taklif etishmoqda
Onkologik kasalliklarni tilla yordamida davolash mumkin. Bu kutilmagan fikr saudiyalik taniqli olim Said Al-Jarudiy tomonidan bildirildi. U bir necha yillardan beri bedavo dardni davolashni qimmatbaho metalldan foydalanish borasida tadqiqotlar olib bormoqda.
Al Arabiya`ga bergan intervyusida olim bunday davo usulining kelajagi bor, deb ta’kidlagan.
“Og‘ir hastaliklarni oltin bilan davolash borasida olib borilayotgan izlanishlarga 20 yildan ziyod vaqt bo‘ldi. Biz saraton bilan zararlangan kalamushlarda tajriba o‘tkazdik. Natija o‘ta hayratlanarli. Oltin komponentlari amalda zaharli va zararli effekt bermadi. Saraton to‘qimalari oltinga qarshilik qilish qobiliyatiga ega emasligi ma’lum bo‘ldi”-, deydi saudiyalik olim.
Uning so‘zlariga ko‘ra, oltin bilan bog‘liq laboratoriya tadqiqotlarining birinchi bosqichini yakunladi. Keyingisiga yana 10-15 yil vaqt ketishi mumkin.