Quvaytlik musulmonlarga masjidda uxlash taqiqlandi
Quvaytning Din ishlari bo‘yicha vazirligi tomonidan musulmonlarning masjidda tunab qolishini taqiqlash to‘g‘risida farmoyishi e’lon qilindi, deb yozadi "Al-Rai". Unga muvofiq, masjidlar eshigi xufton namozi tugagach, uzog‘i bilan yarim soatdan so‘ng yopilishi belgilab qo‘yildi. Bu qarorga ko‘pchilik turli fikr bildirmoqda. Kimdir masjid eshiklari musulmonlar uchun doimo ochiq bo‘lishi kerakligini ta’kidlasa, boshqalar esa bu qarorni qo‘llab-quvvatlab, masjid uxlash uchun emas balki, ibodat qilish uchun, deyishmoqda.
Quvayt hukumati muqaddas Ramazon oyi ichidagina masjidda tunab qolishga ruxsat berdi.