“Qur’oni karim elchilari” kitobi nashrdan chiqdi
Yaqinda Misr arab respublikasida, misrlik yozuvchi Muhammad Abdulaziz Yunus qalamiga mansub “Qur’oni karim elchilari” nomli yangi kitob nashrdan chiqdi deb xabar beradi muslim.uz
Hajmi 192 sahifadan iborat mazkur kitobda, dunyoning ko‘zga ko‘ringan, mashhur qorilari: Abdulbosit Abdussomad, Mahmud Xalil al-Xusariy, Muhammadsiddiq al-Minshaviy, shuningdek, ikki harami sharifda Qur’on tilovati va Xatmul Qur’on tadbirlarini o‘tkazishda xizmat qilgan yetuk qorilar, jumladan, Shayx Ibrohim al-Axdar, Shayx Ahmad Hijaziy, Shayx Zakkiy Dog‘istoniy, Shayx Ali ibn Abdurrohman al-Xuzayfiy, Shayx Ali Abdulloh al-Jobir va shu kabi mashhur qorilarning yashash tarzi va hayoti haqida qimmatli ma’lumotlar beriladi.
Ushbu kitob, yaqinda Qohira shahrida bo‘lib o‘tadigan 48-xalqaro kitob ko‘rgazmasida namoyish etilishi ko‘zda tutilgan.