Qadimiy yer osti masjidida ibodat qilishga ruxsat berildi
Turkiyadagi noyob yer osti masjidi oradan 80 yil o‘tib, yana omma uchun ochildi. Mazkur inshoot 7 metr chuqurlikda, 734 yillik Pishirichi rezervuarida joylashgan.
Tarixiy masjid 2006 yilda qayta ta’mirdan chiqarilgan, biroq ibodatga ruxsat berilmagan edi. O‘tgan yili Shahinbey munitsipalitetiga berildi va endi bemalol musulmonlar u yerga ibodat uchun borishlari mumkin.
Pishirichi qasri eng qadimiy suv rezervuar inshootlaridan biri. O‘tgan asrlarda undan aholini suv bilan ta’minlash, shuningdek ichimlik suvini ifloslanish va parlanishdan saqlash maqsadida ham foydalanilgan.