Permda “Musulmon dunyosi” 8-mintaqalararo forumi ish boshladi

Shu yilning 5 aprel kuni Perm shahrida 8-mintaqalararo musulmonlar forumi ish boshladi. “Musulmon dunyosi” nomli ushbu forum mamlakatdagi dinlararo bag‘rikenglikni mustahkamlash va islom diniga e’tiqod qiluvchi halqlarning madaniyatni namoyish etishga yordam beradi.

Tadbirda Perm viloyati gubernatori Maksim Reshetnikov, Rossiya Bosh muftiysi Talgat Tajuddin, Rossiya musulmonlari diniy idorasi raisi, mahalliy musulmon tashkilotlar va jamiyatlar rahbarlari, shuningdek, tarix, etnografiya, dinshunoslik sohalari mutaxassisilari ishtirok etishdi.

Tadbir tashkilotchilarining ma’lum qilishlaricha, forumning eng asosiy voqeasi “Rossiyada Islom dini: an’analari va zamonaviy tajriba” amaliy konferensiyasi bo‘ladi.

Forum mehmonlari islom tarixiga oid nodir eksponatlar namoyish qilingan ko‘rgazmani tomosha qilishlari, halol mahsulotlar va hizmatlar yarmarkasida bo‘lishlari, islomiy kitoblar do‘konlaridan foydalanishlari mumkin bo‘ladi.

Tadbirning yakuniy nuqtasi 6-mintaqalararo Qur’on musobaqasi bo‘ladi.