Olimpiada ishitirokchilari uchun dinlararo markaz faoliyat yuritadi
Xalqaro olimpiya qo‘mitasi turli dinga e’tiqod qiluvchi sportchilarning ibodat amallarini bajarishlari uchun kerakli sharoitni yaratish maqsadida Dinlararo markazda alohida xonalar tashkil etadi va barcha kerakli jihozlar bilan ta’minlaydi. Bunday imkoniyat yirik jahon dinlari—islom, xristianlik, induizm, buddizm va iudaizm—ga e’tiqod qiluvchilar uchun yaratiladi. Bu haqida The Huffington Post gazetasi xabar bermoqda.
Xabarlarga ko‘ra, markazning ochilishi 24 iyul kuni bo‘lib o‘tadi. Markaz ertalab soat 7.00 dan kechki 22.00 ga qadar ishlaydi. Olimpiada o‘yinlari tugashi bilan yopiladi. Diniy ibodatlar uchun xonalarga 50 nafargacha odam sig‘adi. Islom dini vakillari uchun esa ayollar va erkaklarga alohida xonalar tashkil etiladi.
Eslatib o‘tamiz, yozgi Olimpiya o‘yinlari joriy yilning 5-21 avgust kunlari Braziliyaning Rio-de-Janeyro shahrida bo‘lib o‘tadi. Unda dunyoning 200 davlatida 10 mingdan ziyod sportchi ishtirok etishi kutilmoqda.
Manba: www.islam.ru