Nobel sovrindorlari BMTdan Myanmadagi musulmonlar genotsidini to‘xtatishga chaqirdi
Nobel mukofotining 23 nafar sovrindori BMT xavsizlik yig‘ilishida Myanmadagi musulmonlarga bo‘layotgan zo‘ravonliklarni to‘xtatish masalasiga e’tiborni qaratdi. Mashhur olimlar tashkilot nomiga ochiq maktub yo‘llab, “Myanmadagi etnik tozalashlar natijasida sodir bo‘layotgan insoniyat fojiasi”ga e’tibor qaratishni talab qilishgan.
"Bordiyu bunga biror chora ko‘rilmasa, odamlar yo o‘qlardan, yo ochlikdan halok bo‘ladi", - deyiladi maktubda.
Eslatib o‘tamiz, bunday murojaatga Myanmaning shimoli-g‘arbidagi Rakxayn shtatida musulmon-roxinyalarga qarshi zo‘ravonliklar sabab bo‘lgan. BMT ma’lumotlariga ko‘ra, so‘ngi 4 yil ichida mazkur mintaqadagi 120 ming odam tazyiqlar tufayli o‘z uyini tashlab ketishga majbur bo‘lgan.