Musulmonlar vayron qilingan yahudiylar qabristonini tiklashga yordam berishdi
AQShda istiqomat qiluvchi musulmonlar va yahudiylar dinlararo bag‘rikenglik va hurmat borasida yana bir bor namuna ko‘rsatishdi. Gap shundaki, Missuri shtatida yahudiylar qabristoni vayron qilingan va 200 ga yaqin qabr tahqirlangan. Musulmolar jamiyati esa bir necha soat ichida qabristonni ta’mirlash va restavratsiya qilish uchun 20 ming AQSh dollarini yig‘ib berishdi.
Bu tashabbusni kelib chiqishi falastinlik bo‘lgan faol muslima Linda Sarsur ko‘targan. Uning bu tashabbusini AQShning turli burchaklarida istiqomat qiluvchi musulmonlar qo‘llab-quvvatlashgan. Natijada 3 soat ichida Linda qo‘lida ta’mir uchun kerakli mablag‘ yig‘ilgan.
“Bu – vandalizmning qo‘rqinchli ko‘rinishi. Amerikalik musulmonlar bu jinoyatdan jabr chekkanlarga hamdardlik bildiradi”, deyiladi internetda yozilgan e’lon izohida.
Islam-today