Mashhur dasturchining qiyosiy tadqiqoti
Taniqli dasturchi Tomas Anderson ayrim yevropaliklarning: “Ilohiy kitoblar orasida, aynan, Qur’onda tajovuzkorlikni targ‘ib qiluvchi iboralar ko‘p”, degan fikrlari asossiz ekanini isbotladi. U o‘zining Odintext nomli yangi tashxis dasturi orqali Zabur, Tavrot, Injil va Qur’onda keltirilgan jumlalarni solishtirib chiqdi.
Shuningdek, Anderson insoniyatning umumiy psixologiyasiga oid 8 ta his-tuyg‘uni o‘rganib chiqdi. Natija shuni ko‘rsatdiki, avvalgi muqaddas kitoblarga nisbatan Qur’oni karimda ko‘proq Yaratgandan qo‘rqish, mehr oqibat va iymon mavzulari yoritilgan ekan. Jumladan, Mushafi sharifda fazl va marhamat tushunchalari umumiy oyatlarning 6,3 foizini tashkil qiladi.
Dasturchi muqaddas kitoblar bilan yaqindan tanishmasdan turib, ular borasida ko‘r-ko‘rona xulosa chiqarmaslikka chaqirdi. Hamda o‘z dasturida ularning iddaolariga raddiya sifatida aniq dalillarni keltirib o‘tdi.