Makkadagi ziyoratchilarga elektron bilakuzuk beriladi
24.6.2016 4636
Makka ziyoratiga kelgan barcha hojilarga shaxsiy ma’lumotlar joylashtirilgan elektron bilakuzuklar beriladi. Shu jumladan unga ziyoratchining mamlakati nomi, viza raqami, pasport ma’lumotlari va yashash manzillari kiritiladi.
Qolaversa, qurilmadan ziyoratchiga xizmat ko‘rsatayotgan turoperator haqida ma’lumot, hojilarning Makka va Madinadagi joylashgan manzillari va guruh boshliqlari to‘g‘risidagi axborotlar ham o‘rin oladi.
"Elektron bilakuzuk – bu ziyoratchilarga xizmat ko‘rsatish bo‘yicha salohiyatning yanada oshib borayotganing isboti. Endi ziyoratchilar xorijiy tilni bilmasa-da, yo‘qolib qolish xavfiga duch kelmaydi", - deydi Haj va Umra vaziri o‘rinbosari Eysa Muhammad Ravas.
