Makkada noyob astronomik hodisa yuz berishi kutilmoqda
Joriy yilning 16 iyul, shanba kuni Makka shahri aholisi noyob astronomik hodisani guvohi bo‘lishadi. Ya’ni, shu kuni quyosh Ka’baga perpendikulyar holatda joylashadi. Bu hodisa mahalliy vaqt bilan soat 12.27 da sodir bo‘ladi.
Jidda shahar astronomiya markazi prezidenti Majid Abu Zag‘irning aytishicha, shu kuni, haqiqatan ham, Quyosh Ka’ba bilan perpendikulyar joylashadi hamda quyosh Baytullohning tepasida turganda Ka’baning soyasi ko‘rinmaydi.
Eslatib o‘tamiz, bunday holat bir yilda ikki marta kuzatiladi. Dastlab 28 mayda, so‘ngra 16 iyulda sodir bo‘ladi.