Kembrij talabalar shaharchasida masjid quriladi
21.2.2017 3135
Yaqin vaqtlar ichida Britaniyaning Kembrij talabalar shaharchasida yangi masjid bunyod etiladi. Qurilish ishlari boshlab yuborildi. Moliyaviy mablag‘lar bir necha turk xayriya fondlari tomonidan o‘tkazilgan.
Rejaga ko‘ra, masjid shu yilning kuz faslidan boshlab musulmonlar uchun o‘z eshiklarini ochadi. O‘ziga xos tomoni shundaki, inshoot Yevropadagi ilk eko-masjid bo‘ladi. Ya’ni bino o‘zini o‘zi energiya bilan ta’minlaydi.
Masjidda bir vaqtning o‘zida 2000 nafargacha odam ibodat qilishi mumkin. Inshootdan ibodat zali va shuningdek, turli tadbirlar uchun konferens-xonasi o‘rin olishi belgilangan.
Islam-today
