Jiddada 40 mingta Ramazon fonusi porlamoqda
Saudiya Arabistoni Jidda shahridagi jamoat joylari, uylar va ko‘chalar o‘n minglab Ramazon fonuslari bilan bezatib chiqildi. Eslatib o‘tamiz, kelib chiqish tarixi misrliklarga tegishli bo‘lgan ushbu fonuslar qo‘lda tayyorlanadi.
Ushbu fonuslar dunyo bo‘ylab Ramazon oyining ramzi sifatida mashhur bo‘lib, ayniqsa musulmon mamlakatlarida keng tarqalgan. Shahar qahvaxonalaridan birining boshlig‘i Hasan ismli tijoratchi: “Muborak Ramazon oyi kirib kelishi bilan butun shahar fonuslar bilan bezatiladi. Bu ajdodlarimizdan avlodlarga o‘tib kelayotgan an’anadir”,-dedi.
Ilgarilari fonuslar jez va misdan tayyorlangan bo‘lsa, endilikda texnologiya yangilanishi oqibatida ularni qayta ishlangan konserva idishlari va shishalardan yasashmoqda. Bundan tashqari plastmassadan ishlangan fonuslar ham bor.
Ushbu fonuslarning ayrimlari turli xil rangda jilvalansa, ayrimlari esa Ramazon haqida qo‘shiq kuylaydi, yana boshqalari esa maxsus quvvatlantiruvchi vositalar yordamida ishlaydi. Bu turdagi fonarlarni ayniqsa bolalar yaxshi ko‘rishadi, chunki ularni qo‘lga olib, yugurib yurish qulaydir.