Indoneziyada “masjid-mobillar” paydo bo‘ldi
Jakarta shahrida istiqomat qiluvchi fuqaro o‘z mikroavtobusini namoz o‘qish uchun qulay tarzda qayta jihozladi. Maqsad, avtomobil tirbandligi paytida namoz vaqtini o‘tkazib yubormay, avtomobilda ibodat qilish uchun sharoit yaratish.
"Bir kun turmush o‘rtog‘im bilan ketayotib, masjidda namoz o‘qishni niyat qildim. Biroq mashinam tirbandda qolib ketdi. Masjidga belgilangan vaqtda yetib bora olmayman. Shu sabab, namozni avtomobilimda o‘qishga qaror qildim”, deydi jakartalik Sutikno.
Ana shundan so‘ng unda mashinasini “masjid”ga aylantirish g‘oyasi tug‘iladi. Ulovini yashil rangga bo‘yab, ibodat uchun namoz joynamoz olib yuradigan bo‘ldi.
Hozir esa o‘ziga xos “masjid-moibil” odamlar gavjum joylarda yoki masjiddan nuqtalarda to‘xtab turadi. Musulmonlar bemalol unda namozlarini ado etishlari mumkin. Xatto uning ichida ibodat uchun maxsus liboslar va tahorat uchun imkoniyatlar ham yaratilgan.
Qayd etish kerakki, Indoneziya dunyodagi eng ko‘p musulmon aholiga ega mamlakat sanaladi. U yerda 202 million musulmonlar istiqomat qiladi va 800 ming masjid ularning xizmatida.
