Haram masjidi dunyodagi eng hashamatli bino deb e’lon qilindi
Angliyaning Homes and Property nashri o‘ziga xos binolar reytingini e’lon qildi. Unda Saudiya Arabistoni Podshohligining Makka shahrida joylashgan Haram masjidi dunyodagi eng hashamatli bino deb tan olindi. Reytingni tuzishda dunyodagi yuzdan ortiq hashamdor binolar ko‘rib chiqilib, oxiri kuchli o‘ntalik yuzaga keldi.
Kuchli o‘ntalikning qolgan o‘rinlarini AQSh, Yaqin Sharq va Sharqiy Osiyo mamlakatlarida joylashgan lyuks mehmonxonalar, ko‘ngilochar maskanlar egalladi. Muhandislar hisobiga ko‘ra, Makkadagi Haram masjidini barpo etish uchun 100 milliard dollar sarflangan bo‘lsa, o‘ninchi o‘rinni egallagan binoning qurilish qiymati 1,6 milliard dollarni tashkil etdi.
Eslatib o‘tamiz, Makkadagi Haram masjidi musulmonlarning eng muqaddas joyi hisoblanib, uning umumiy maydoni 360 ming kvadrat mertni tashqil etadi.
Manba: www.muslim.uz