Germaniya prezidenti: "Mening o‘rnimni musulmon odam egallashi mumkin"

     Germaniyaning keyingi prezidenti musulmon odam bo‘lishi mumkin. Bu haqida GFRning amaldagi prezidenti Yoaxim Gauk Bild nashriga bergan intervyusida ma’lum qilgan. Uning bu fikri mamlakatdagi va yevropalik siyosatchilar orasida keng muhokama qilinayapti. Masalan, Germaniya sotsial-demokratik partiyasi rahbari Tomas Opperman bu borada diniy va milliy mansublik muhim ahamiyatga ega emasligini ta’kidlagan. «Muhimi, bu yerda Konstitutsiya bosh asos», - deydi intervyularning birida.
       “Yashillar” partiyasi boshlig‘i Jem Ozdemir esa “Asosiysi, u yaxshi davlat boshlig‘i bo‘lsin, din ikkinchi darajali”, deb fikr bildirgan.
      Qayd etish kerakki, Germaniya Konstitutsiyasiga ko‘ra, mamlakatning 40 yoshdan oshgan barcha fuqarosi millati, irqi va e’tiqodidan qat’iy nazar, prezidentlik lavozimiga o‘z nomzodini qo‘yishga haqli.