Ekspertlar: 2070 yilda musulmonlar va xristianlar soni tenglashadi

   2070 yilga borib Yer sharida musulmon va xristianlarning soni tenglashadi. Bu haqida mashhur Pew Research Center ilmiy tadqiqotlar markazi ma’lumotlariga tayanib xorijiy ommaviy axborot vositalari xabar tarqatmoqda.
   Qayd etilishicha, shu bilan birga hech qaysi dinga e’tiqod qilmaydigan ateistlar soni ham oshadi. Yevropada musulmonlar umumiy aholining qariyb 10 foizini tashkil etadi. Eng ko‘p musulmonlar yashovchi maqomi Indoneziyadan Hindistonga o‘tadi. Bir necha 10 yillardan so‘ng AQShdagi xristianlar soni umumiy aholining 60 foizigacha tushishi kutilayapti.
    Ta’kidlash kerakki, bu prognoz-ma’lumotlar yirik dinlarning tarqalishi, e’tiqod qiluvchilarning yosh ko‘rsatkichlari, tug‘ilish va o‘lish, migratsiya va e’tiqodini o‘zgartirish singari holatlarga asoslangan.

Islam-today