Bolalarga Qur’onni o‘rgatayotgan xristian musulmonlar muhabbatini qozondi

     Misrlik 80 yoshli xristian arab dunyosining mehr-muhabbati va e’tiborini qozongan. Uni mintaqaning har bir fuqarosi yaxshi taniydi. Gap shundaki, Oyat Shokir Xanna o‘zi xristian diniga e’tiqod qiladi. Shunga qaramay u mahalliy musulmon bolalarga Qur’onni o‘rgatadi. Shokir Xanna o‘z uyida kichkina sinf xonasi tashkil qilgan va unda bolalarga o‘qish va yozishdan saboq beradi.
   "Musulmonlar va xristianlar orasida hech qanday farq yo‘q. Xristianlar Iso alayhisalomga, musulmonlar Muhammad sallollohu alayhi vasallamga ergashadi. Bizning qishloqda musulmonlar va xristianlar birga istiqomat qiladi va bir-birini yaxshi ko‘rib, qadrlashadi”, - deydi qariya.
    Xanning so‘zlariga ko‘ra, Qur’onni o‘rgangan odam qalban Allohga yaqinlashadi. U muqaddas kalomni maktab davridayoq o‘rganishni boshlagan.

Islam-today