Bir oylik umri qolganini bilgan yigit Umraga yo‘l oldi
1.2.2017 7925
20 yoshli malayziyalik Muhammad Ramadan Alias hayotining qolgan bir oyini Umra safariga sarflashni maqsad qildi. Muhammad o‘zida leykemiyaning eng so‘nggi bosqichi ekanini, bir oy umri qolganini yaxshi bilardi. Shu bois, u umri poyonida ko‘p yillik orzui—Makkaga safar qilish niyatini amalga oshirishga qaror qildi.
U Madina shahrida shifoxonaga tushdi va shu yerda foniy dunyoni tark etdi. Muhammad Ramadan Alias ikki olam sarvari payg‘ambarimizning avlodlari va sahobalari mangu orom topgan Jannat Al-Boqi qabristoniga dafn etildi.
Marhumning singlisi akasining vafotidan qattiq qayg‘uga tushganini ta’kidlab, bir jihatda hotirjam ekanini aytdi: “U hozir Yer yuzidagi eng muqaddas joyda. Ishonamanki, u uchun hammasi yaxshi”.
