Berlinda musulmonlar terrorga qarshi aksiya o‘tkazishdi
Germaniyadagi bir guruh musulmon yoshlar terrorizmga qarshi aksiya tashkil etishdi. Mazkur norozilik chiqishi Berlindagi Rojdestvo bozorida o‘tkazildi. Mitingda qochoqlar ham ishtirok etdi. Bu aksiya bir paytning o‘zida boshqa shaharlarga ham yoyildi. Rojdestvo bozoridagi dahshatli qotillikdan so‘ng, Germaniya musulmonlar ittifoqi bu voqeani keskin qoralab chiqdi va mazkur tashabbusni ilgari surdi.
“Terrorizm yana bir bor o‘zining manfur qiyofasini ko‘rsatdi. U hech narsadan qaytmaydi va barchani narsani yakson qilishga tayyor. Xatto yo‘lida begunoh odamlar uchrasa ham”, - deb ta’kidladi ittifoq vakili.
Eslatib o‘tamiz, Berlinda 19 dekabr kuni bo‘lib o‘tgan terakt natijasida 12 kishi halok bo‘ldi va 48 nafar odam jarohatlandi.
Islam-today