BAAda "aqlli" masjid quriladi
Birlashgan arab amirliklarida tez orada “aqlli” masjidlar bunyod etiladi. Bu haqida ayni kunlarda Dubay shahrida bo‘lib o‘tayotgan Axborot texnologiyalar ko‘rgazmasida ishtirok etgan Honeywell kompaniyasi ma’lum qilgan. Tizimga masjid hududi iqlimini nazorat qilish va namoz vaqtlari aniqligini ta’minlash singari boshqaruv funksiyalari kiritiladi.
Tizimning sinovi Sharjadagi Al-Tavba masjidida o‘tkazildi. Olti oylik sinov natijalar kutilganidek bo‘ldi. Masjidda tizim ko‘magi bilan 37 foiz energiyani tejashga erishilgan.
Yangi texnologik tizim masjidning GPS-koordinatlari va amaldagi sanadan foydalangan holda mustaqil ishlaydi. Kun davomida iqlimni nazorat qiladi. Namozdan oldin masjid ichidagi harorat avtomatik tarzda tushiriladi. Namoz tugagach, sovutish tizim o‘chadi va shu tariqa energiya iqtisod qilinadi.