Afg‘onistonlik uchuvchi qiz butun dunyo bo‘ylab parvozga otlandi
Shoista Vaiz 29 yoshda, Afg‘onistondagi qochoqlar lagerida tug‘ilgan va 1987 yilda oilasi bilan AQShga ko‘chib kelgan. U butun Yer shari bo‘ylab parvoz qilgan eng yosh uchuvchi bo‘lishi mumkin. Hozirda Shoista afg‘onistonlik eng yosh sertifikatga ega uchuvchi sanaladi.
“Parvozlar—men uchun cheksiz zavq. Men o‘z oldimga yangi va yangi maqsadlar qo‘yib, ularni zabt etishni xohlayman. Men matematikani ko‘proq o‘qishni boshladim va hisob ilmi bilan jiddiy shug‘ullanayapman. Shu bilan birga men samoni zabt etishni orzu qildim. Orzularga erishayotganimga ishonish qiyin. Mening o‘rnimda istagan odam bo‘lishi mumkin”, deydi uchuvchi qiz.
Vaiz o‘zining dunyo bo‘ylab parvozini Florida shtatidan boshladi. U 25800 kilometrlik masofani uchib o‘tish uchun 18 mamlakat, jumladan Italiya, Misr, Avstraliya, Singapur, Hindiston va boshqa mamlakatlar ustidan uchadi hamda Floridaga qaytadi. Parvoz chog‘ida 30 marta to‘xtaydi. Sayohat sug‘urtasini Xalqaro fuqarolik aviatsiyasi zimmasiga olgan.
Qayd etish kerakki, bugungi kunda butun dunyoda tijoriy parvozlarda atigi 5 foiz ayollar ishtirok etadi.
ManbaIslam-today
