“Aziza”, “Hamida” va “Rahima” ismlari haqida 12.11.2017
Savol:Assalomu alaykum, hurmatli ustoz. Savolim: ba’zi erkak ismlarni oxiriga "a" harfi qo‘shilib qizlarga ism quyishadi. Masalan, Rashida, Soliha, Anvara va shu kabi ismlar. Lekin Allohning sifati bo‘lgan ismlarga o‘g‘il bolalarga oldiga "abdu" qo‘shib yoziladi, lekin qizlarga Aziza, Hamida, Rahima kabi Allohning sifati bo‘lgan ismlar qo‘yiladi. Bunda karohiyat yo‘qmi? Javobingiz uchun oldindan rahmat.
Bo`lim Ijtimoiy masalalar7950
Va alaykum assalom. Alloh taolo ism va sifatlari orasida oldiga “Abdu” qo‘shmasdan qo‘llash mumkin bo‘lmaganlari ham, “Abdu”siz ishtalish joiz bo‘lganlari ham bor. Masalan, “Samad”, “Rahmon”, “Ahad”, “G‘affor” kabi ismlarni “Abdu”siz qo‘llash joiz emas. Ammo “Karim”, “Rahim”, Halim”, “Aziz” kabi ismlarni “Abdu”siz ham qo‘llash mumkin. Shundan kelib chiqqanda, o‘g‘il bolaga “Rahim”, qiz bolaga “Rahima”, o‘g‘il bolaga “Karim”, qiz bolaga “Karima” ismini qo‘ysa bo‘ladi. Biroq qiz bolalarga “G‘affora”, “Rahmona” deb ism qo‘yish mumkin emas. Bu kabi ismlarni o‘g‘il bolalarga “Abdu”siz qo‘yish ham joiz emas.
