Aqiqa jonlig‘i suyagini sindirish joizmi? 03.10.2017
Savol:Assalomu alaykum! Ba’zilar aqiqaga so‘yilgan jonliqning suyaklarini sindirmay, mevali daraxt tagiga ko‘mib qo‘yish kerak, deydilar. Hadislarda aqiqaga so‘yilgan hayvonning suyaklari sindirilmasligi haqida o‘qigandim. Lekin jonliqni so‘yish, go‘shtini maydalash chog‘ida suyaklari sinadi. Ba’zilar Qur’ondagi: “Chunki isrof qiluvchilar shaytonlarning do‘stlari bo‘lgan kimsalardir”, oyatini dalil qilib, suyaklarni sindirmay, ko‘mib qo‘yish isrofdir. Chunki u suyaklar jin va itlarning nasibasi, deydilar. Umuman olganda aqiqaga so‘yilgan hayvonning suyaklarini sindirish, itlarga berish yoki chetroq joyga tashlab yuborish joizmi?
Bo`lim Ijtimoiy masalalar8138
Va alaykum assalom. To‘g‘ri, aqiqa niyatida so‘yilgan jonliqning suyaklarini sindirmaslik haqida aytilgan. Ammo bu mustahab ma’nosidadir. Aqiqa jonlig‘ining suyagini sindirsa, unday bo‘larkan, bunday bo‘larkan, deyilmaydi. Shunchaki, aqiqa yangi tug‘ilgan chaqaloq nomidan qilingani sabab uning suyaklari sindirilmasa, yaxshi bo‘ladi, deyiladi. Biroq aqiqa jonlig‘ining suyaklarini xuddi boshqa niyatda so‘yilgan jonliq suyaklari kabi nazar tushmaydigan biron joyga tashlab yuborish yoki ko‘mib qo‘yish mumkin. Vallohu a’lam.
