Bolani emizish va mahramlik masalasi.09.07.2017
Savol:Assalomu alaykum Ustoz. Avval bir saytga savol bilan murojaat qilgandim. Ya’ni, boqib olingan o‘g‘il bola ayolimga mahrammi yoki yo‘qmi, deb so‘ragandim. Agar ayolingiz yoki uning opa-singillari go‘dakni ikki yil emizsalar, shunda mahram hisoblanadi, deb javob qilingandi. Lekin masalaning bir tomoni, singlisining farzandi ikki yoshga to‘lgan. Shuning uchun o‘n besh kun-bir oygina emizishga muddati yetadi...
Bo`lim Ijtimoiy masalalar5313
Va alaykum assalom. Agar bola ikki yoki ikki yarim yoshigacha emsa, shar’iy emizish sobit bo‘ladi. Undan keyingisi shar’iy emizish hisoblanmaydi.
Bu yerda bir narsaga e’tibor qaratish kerak: har qanday yoshda ikki yil emas, balki ikki yoshga to‘lgunicha aqalli bir marta emsa, ayol o‘sha bolaga ona hisoblanadi.
Emish sobit bo‘lganda emizgan ayol bolaning onasi, eri uning otasiga, bolalari emikdosh aka-ukalari va opa-singillariga aylanadi. Emikdoshlar xuddi tug‘ishganlar kabidir. Ular orasida nikohlanish nojoiz.
Agar bir ayol singlisining farzandini o‘g‘il qilib olgan bo‘lsa, emizmasa ham unga mahram hisoblanaveradi. Sababi kishining xolasi unga mahramdir. Agar ayolning jiyani qiz bola bo‘lib, emizish sobit bo‘lmasa, erkakka (ya’ni, pochchasiga) nomahram hisoblanadi. Vallohu a’lam!
