Va alaykum assalom. Agar egizaklardan biri vafot etsa, sherigining ismini o‘zgartirish haqida ko‘rsatma kelmagan. Agar shunday holat yuz bersa, egizaklarning biri o‘z ismida qolaveradi, o‘zgartirilmaydi. Illo bilmay nojoiz ism qo‘yilgan bo‘lsa, yaxshisiga o‘zgartirsa bo‘ladi.
   Keyin, vafot etib ketgan odam tiriklarni chaqirmaydi. Xalq orasida tarqalgan bunday tushunchaning hech qanday asosi yo‘q. Inson Alloh belgilab qo‘ygan rizq-nasibani to‘liq olmagunicha dunyoni tark etmaydi. Uning qachon vafot etishi ojiz banda ixtiyorida emas, Allohning xohishiga bog‘liq.