Va alaykum assalom va rahmatullohi va barokatuh. Farzandiga “Sunnatulloh” ismini qo‘yish joiz. Ammo ismni biron voqe’a yoki vaqtga bog‘lab qo‘yilmaydi. Masalan, safarda tug‘ilsa, “Safarali”, “Safarboy” deb, xoli bilan tug‘ilsa, “Xolmurod”, tishi bilan tug‘ilsa, “Bo‘riboy” deb ism qo‘yish dinimizda buyurilmagan. Siz ham biron narsani ko‘zda tutmagan holda o‘g‘lingizga “Sunnatulloh” ismini qo‘ysangiz bo‘ladi. Ammo aynan sunnat bilan tug‘ildi, unga “Sunnatulloh” ismini qo‘ymasa bo‘lmas ekan, deb e’tiqod qilish to‘g‘ri emas. Bu narsa odamlar tarafidan o‘ylab chiqarilgan, ya’ni bid’atdir. Vallohu a’lam!