Amalimiz xolis bo‘lsa, ajru-mukofot bor
Yaqinda kam ta’minlangan oilada voyaga yetgan bir qizning Toshkent shahridagi katta bir to‘yxonada nikoh oshi bo‘ldi. Kamina ham o‘sha nikoh-valiymasi marosimida qatnashib, yig‘ilgan mehmonlarga ma’ruza kilib berdim. Marosim so‘ngida qo‘limga bir kog‘oz berishdi va “Qori aka, mana shu ro‘yxatda ushbu marosimga xizmati singgan kishilarni, ya’ni xomiylarning nomi yozilgan. Xolis duo kilib qo‘ysangiz.
Chunki bulardan kimdir sarpo-surug‘larni va yana kimdir xofizlarni va hakazo.... xarajatlarni ko‘tarishdi”, dedi. Maktubdagi kishilarni nomini o‘qib, duo qildik. Duo tugashi bilan bir yigit oldimizga kelib: “Qori aka, nega mening nomimni o‘qimadingiz?”, dedi.
Men u kishini ismini so‘radim va ro‘yxatga bir nazar solsam, uning nomi yo‘q ekan. Men unga “Nomingiz yo‘q ekan”, desam, xayron bo‘lib o‘zi ham qog‘ozga qaradi, nomi yo‘qligini bilib, g‘azablandi. Men “Tinchlikmi, nega xafa bo‘lyapsiz”, desam “Qori aka, bu yig‘inda asosiy xizmatni men qilganman. Ya’ni kelinni mebelini men obergandim. Ammo duoga meni qo‘shishmapti. Men hali nomimni qo‘shmaganlarni topaman”, deb hatto so‘kinib, qaytib ketdi....
Xulosa: Qani, bu yerda xolislik?
Qani, Alloh uchun yaxshilik qilish?
Axir Rosululloh sallollohu alayhi vasallam "Amallar niyatga bog‘liqdir”, deganlar.
Toki, amalimiz xolis bo‘lmas ekan, Yaratgan huzurida ajr-mukofot ololmaymiz...
Dilshod Umurtoyev
Yahyo qori jome masjidi imom-xatibi
