Трамп мусулмонларни камситишларига қарши чиқди
АҚШнинг янги сайланган президенти Дональд Трамп ўз тарафдорларини мусулмонлар, шу жумладан мигрантларни камситишга барҳам беришларига чақирди. Бу унинг давлат раҳбари сифатида берган илк интервьюсида янгради, деб хабар беради Life.
Интервью чоғида журналист сайлов натижалари маълум бўлмагунига қадар Трамп ва унинг тарафдорлари мигрантлар ва бошқа диний конфессияга мансуб одамларга қарши агрессив мулоҳаза билдирганини танқид қилди. Трамп эса бунга “Буни эшитиш оғир ва агар ёрдами тегса, “Бас қилинглар” деган бўлардим”, деб жавоб қайтарган.
Эслатиб ўтамиз, Дональд Трамп ўз сайловолди компанияси чоғида АҚШни мигрантлардан тўсиш учун Мексика чегарасига девор қуриш, мусулмонларнинг мамлакатга киришини тақиқлаш ҳақида маълум қилганди. Бироқ сайлов якунида бу маълумотлар миллиардер номзоднинг расмий сайтидан ўчириб ташланди.
