“Ситилинк Индонезия” авиакомпанияси Рамазон муносабати билан ифторлик менюсини жорий қилди
Индонезиянинг “Ситилинк-Индонезия” авиакомпанияси кириб келаётган муборак Рамазон ойи муносабати билан экипаж аъзоларининг расмий либосларини ўзгартирди.
Компания вице-президенти Ранти Рачманнинг маълум қилишича, экипаж аъзоларининг формалари яшил рангли ҳижоб бўлиши белгиланди ва бу қарор 14 майдан кучга кирди.
Авиакомпания стюардессалари эндиликда, дизайнер Луис Виони томонидан ишлаб чиқилган яшил рангдаги қушлар нақши туширилган рўмол ва костюм киядилар.
Ушбу қарордан олдин авиакомпания ҳодимларига иш вақтида ҳижоб кийишлари таъқиланган бўлиб, компания ҳодималарининг 25% и муслималар бўлган.
Бундан ташқари, авиакомпания кечки рейсдан фойдаланувчи рўзадор мусулмонларга ифторлик учун Индонезия миллий таомларидан масхсус иссиқ овқатлар жамланган менюни ишлаб чиқди ва жорий қилди.
