САУДИЯ АРАБИСТОНИ “ҲАЖ – 2015” МАВСУМИГА ТАЙЁР
Ҳаж–2015” мавсумида бир миллион уч юз нафар зиёратчига муносиб хизмат кўрсатиш учун Саудия Арабистонидаги 18 та транспорт ширкатлари томонидан 17700 та шинам автобуслар хизматга шай экани маълум қилинди деб хабар бермоқда www.muslim.uz
Транспортлар бош уюшмаси раҳбари Аҳмад Сумбавеҳ ўз интервьюсида, зиёратчилар ҳаж ибодатини осон ва қулай адо этишлари учун ҳожиларни Маккаи мукаррамадан Муқаддас жойлар (Мино – Арофот – Муздалифа) йўналишида ташишга мўлжалланган барча автобуслар тайёр ҳолда эканини таъкидлади.
Шунингдек, Саудия Арабистони Подшоҳлигининг Ҳаж вазири доктор Бандар бин Муҳаммад ал-Ҳажжар ҳам ўз нутқида, бу йилги Ҳаж мавсумини муносиб ўтказиш учун вазирлик ва ширкатлар томонидан пухта тайёргарлик кўрилганини маълум қилди.