Мусулмон ота ўз фарзандининг қотилини агар у Қуръонни ёд олса кечиришини маълум қилди
Саудия Арабистонида яшовчи мусулмон ота ўз фарзандининг жонига қасд қилган қотилни, агар у Қуръоони тўлиқ ёд олса кечиришини айтди.
Al-Arabiya нашрининг ёзишича, Роиба ал-Дусари исмли киши ўғли Абдулланинг қотили Файсал ал Амирийни агар у ҳибсдалигида Қуръонни ёд олса кечиришга рози эканинг маълум қилган.
Маълумотларга кўра, унинг фарзанди уйи яқинида бўлган муштлашув оқибатида ҳалок бўлган.я
Фарзанди доғида куяётган ота унинг қотилини кечириш ҳақидаги қарорга Саудия Арабистони Қироллигининг Шарқий вилояти Аҳлоқ тузатиш қўмитаси вакиллари билан бўлган суҳбатдан сўнг келган.
Шу билан бирга, ота ҳар қандай моддий товон турини қабул қилишдан воз кечган, фақатгина қотилнинг Қуръонни тўлиқ ёд олиши унинг кечиримига сабаб бўлиши мумкинлигини таъкидлаган.
islom-today.
