Лондон мусулмонлари теракт қурбонлари учун пул йиғишди
Лондон мусулмонлари жамияти Британия пойтахтида содир этилган хунрезлик оқибатида ҳалок бўлганлар оилаларига 18 минг фунт стерлинг миқдорида ёрдам пули йиғиб беришди.
“Йиғилган пуллар пойтахтда содир этилган ваҳшийликдан жабр кўрган оилаларига топширилади. Бу пулларнинг тақсимотини биз полициячиларга топширдик”, - дейди акция ташаббускори Муддасар Аҳмад.
Эслатиб ўтамиз, теракт чоршанба куни содир бўлганди. Ўшанда Вестминстер кўпригида ҳаракатланаётган автомобиль пиёдалар устига бостириб борган. Парламент биносига етганда, жиноятчи полиция томонидан қуршовга олинган. Бундан ташқари, у полициячига пичоқ билан ҳужум қилади. Оқибатда ҳуқуқ-тартибот идораси ходими оғир жароҳат сабаб ҳалок бўлади.
Сўнгги маълумотларга кўра, ҳодиса туфайли 40 га яқин одам жабр кўрган.
Islam-today
