ИҲТ Мадинани ислом оламининг туристик пойтахти деб эълон қилди
Ислом ҳамкорлик ташкилоти томонидан “Мадина—ислом оламининг туристик пойтахти”, деб эълон қилингани муносабати билан Саудия Арабистонида тадбир ўтказилди. Эслатиб ўтамиз, ИҲТда туризм бўйича вазирлар конференцияси чоғида Мадина шаҳрига ана шундай нисбат берилган эди.
“2017 йилдаги ислом оламининг пойтахти” деб номланган лойиҳа доирасидаги тадбирлар Мадина шаҳрида жорий йилда бўлиб ўтади. Тадбирлар режаси билан Мадина шаҳри туризм ва тараққиёт Бошқармаси бошлиғи Султон бин Салмон бин Абдулазиз таништирди.
Ўз навбатида бундай номга 2015 йилда Қуддус, 2016 йилда Туркиянинг Коня шаҳри сазовор бўлган эди.