Маккадаги тиқилинчда ҳалок бўлганлар сони 700 нафардан ошди
Саудия Арабистонининг Макка шаҳри яқинидаги Мино водийсида юзага келган тиқилинчда ҳалок бўлганлар сони 717 кишига етди, жароҳатланганлар эса 805 нафарни ташкил этмоқда, дея хабар бермоқда Саудия Арабистони фуқаро муҳофазаси бошқармаси.
Маълумотларга кўра, ҳожиларнинг Мино водийсида жойлашган Жамарот - Шайтонга тош отадиган жойга олиб борувчи ва ундан қайтадиган йўлида тирбандлик вужудга келган.
Эслатиб ўтамиз, 24 сентябрь куни Ўзбекистон Республикаси Вазирлар Маҳкамаси ҳузуридаги Дин ишлар бўйича қўмита жабр кўрганлар ичида ўзбекистонликлар йўқ эканини маълум қилди.