Va alaykum assalom. “Farz” so‘zi lug‘atda “qat’iyat”, “burch, mas’uliyat, majburiyat”, “talab”, belgilash, aniqlash”, shart”, muddat, fursat, vaqt”, “qiroat”, “hadya, sovg‘a” kabi ma’nolarni anglatadi. Bu so‘zning boshqa ma’nolari ham bor. Shar’iy istilohda, qilinishi qat’iy dalil bilan talab etilgan amal farzdir. Bir so‘z bilan aytganda, farz har bir mo‘min-musulmon bajarishi lozim vazifa va topshiriqlardir.
    Farzni bajargan odam ulkan savobga erishadi, tark qilgan katta gunohga botadi. Farzni inkor etish kufr hisoblanadi. Masalan, kunda besh vaqt namoz o‘qish yoki Ramazon ro‘zasini tutish farz emas, deyish bilan banda imonidan ayriladi, Alloh asrasin!