17 million yamanlik och-nahor yashamoqda
Kundan kunga Yamandagi ijtimoiy hayot og‘irlashib bormoqda. So‘nggi 7 oy mobaynida oziq-ovqat yetishmovchiligi muammosi mavjud yamanliklar soni 3 millionga ko‘paygan va hozirda 17 million odam qorni ovqatga to‘ymaydi.
Mamlakadagi jangovar harakatlar olib borilayotgan hududlarga gumanitar yordam yuklarini yetkazib berish bilan shug‘ullanuvchi tashkilotlar vakillarining harakatlanishi ham ancha mushkul masalaga aylangan.
“Biz o‘tish qiyin bo‘lgan mintaqalarga kirib borish uchun o‘zaro muholif tomonlar vakillari bilan faol muzokaralar o‘tkazishga harakat qilayapmiz. Biroq vaziyat biz uchun ancha xavfli tus olmoqda”, — BMT Boshqaruvi matbuot kotibi Uilyam Spindler.