Ёрдамингизга муҳтожман!
Мен Мақсудова Гулчеҳра. Ҳаёт синовларга тўла экан. Барча қизлар сингари яхши ният билан оила қурдим, фарзандли бўлдим. Аммо турмушим узоққа бормади, ажрашдим. Ўғлим билан онамникида яшай бошладим. Бу орада бир танишим акаси 3 нафар фарзанди билан ёлғиз қолганини, жиянларига меҳрибон она, акасига турмуш ўртоқ кераклигини айтиб, “сиз жиянларимга оналик қилинг, илтимос,” деб уйимга келди. Мен ўз тақдирим, фарзандим иқболи ва етим болаларнинг келажагини ўйлаб, рози бўлдим. Болалар мени илиқ қабул қилишди. Мен ҳам уларга бор меҳримни беришга интилдим. Орада Яратган бизга ўғил фарзанд ато қилди. Ҳаммаси яхши эди, бироқ оиламизда жанжал, тушунмовчиликлар кўпайиб кетди. Орадан гап қочди. Иккинчи турмушим ҳам бузилди. Она уйимга қайтишга имкон йўқ. Ҳозирда икки нафар фарзандим билан қийналаяпман. Ёрдамингизга муҳтожман. Аллоҳ мушкулингизни осон қилсин!
Мурожаат учун телефон: +99890 945 50 20
