Оқсаройда қабул
16.7.2015 3240

 

Ўзбекистон Республикаси Президенти Ислом Каримов 15 июль куни Оқсаройда Россия Федерацияси ташқи ишлар вазири Сергей Лавровни қабул қилди.

Ўзбекистон билан Россия ўртасидаги муносабатлар мустаҳкам стратегик шерикликка асосланган бўлиб, ўзаро ҳамкорликнинг деярли барча йўналишлари бўйича изчил ривожланиб бормоқда.

Давлатимиз раҳбари меҳмонни самимий қутлар экан, Ўзбекистон мазкур учрашувни ўзаро манфаатли кенг кўламли масалалар юзасидан фикр алмашиш имконини бераётган доимий сиёсий мулоқотларнинг давоми, деб билишини таъкидлади.

Ўзбекистон ва Россия Президентларининг 10 июль куни Уфа шаҳрида бўлиб ўтган музокаралари ўзаро муносабатлар ривожида муҳим воқеа бўлгани қайд этилди. Олий даражадаги учрашувлар чоғида эришилган келишувларнинг амалга оширилиши алоҳида аҳамиятга эга.


Ўзбекистон ва Россия ҳамкорлигидан икки мамлакат ҳам бирдай манфаатдор. Иқтисодий ва инвестициявий алоқаларни кенгайтириш, шубҳасиз, кўпқиррали ўзаро мулоқотни янада ривожлантиришнинг устувор йўналишлари ҳисобланади. Россия Ўзбекистоннинг йирик савдо шерикларидан биридир.

Суҳбат чоғида долзарб халқаро муаммолар, минтақавий хавфсизлик ва барқарорлик масалалари ҳам кўриб чиқилди.

Ўзбекистон Шанхай ҳамкорлик ташкилотининг Уфа шаҳрида ўтган саммити якунларини юксак баҳолайди. ШҲТга навбатдаги муддатга раислик қиладиган Ўзбекистон мазкур ташкилотга аъзо барча давлатлар манфаатларига мос келадиган кўп томонлама ҳамкорликни изчил ривожлантиради ва мустаҳкамлайди.

Сергей Лавров Ўзбекистон Президенти Ислом Каримовга самимий қабул ва ўзаро ҳамкорликнинг долзарб масалалари ҳамда минтақавий муаммоларни атрофлича муҳокама этиш имконияти яратилгани учун миннатдорлик билдирди.

 

Манба: Uza.uz

 

Кун ояти

(Эй Муҳаммад,) ўз жонларига зулм қилган бандаларимга айтинг: Аллоҳнинг раҳматидан ноумид бўлмангиз! Албатта, Аллоҳ барча гуноҳларни мағфират қилур. …

Китоблар
Энг кўп ўқилган мақолалар
Истихора дуоси

Истихора сўзи луғатда яхшилик сўраш маъносини билдиради. Шаръий истилоҳда, банданинг намоз ўқиш ёки дуо қилиш билан Ал…

8.112015 92849
  • Саййидул-истиғфор дуосини ўрганамиз

    Аллоҳумма анта Роббий ла илаҳа илла анта холақтаний ва ана ъабдука ва ана ъала аҳдика ва ваъдика мастатоъту. Аъузу бика…

    17.12017 40807
  • Аллоҳ лаънатлаган пардоз

    Аллоҳ таоло Ўзи яратган барча жонзотлар ичида инсонни энг гўзал суратда яратганини таъкидлаб, Қуръони каримда шундай ха…

    19.32017 29807
  • Қайнона ва келин муносабатлари

    Бошқа миллат вакилларининг кўпчилиги биз ўзбекларнинг оилавий ҳаётимизга, яъни, қариндош уруғларнинг бир-бирларига бўл…

    6.82015 29171
Энг кўп ўқилган савол-жавоблар
“Никоҳимиз бекор бўлмаганми?” 07.05.2018

Ассалому алайкум, ҳурматли устозлар. Сизларга саволим шуки, аёлим билан қарийб икки йилдан буён алоқаларим яхши эмас. Жинсий яқинлигимиз ҳам йўқ. Ҳозирги кунда аёлим менга ҳалолми ёки номаҳрамми? Унга яқинлашишим жоизми ёки қайтадан никоҳлаб олайми? Жавобингиз учун олдиндан раҳмат!

15527