АНДИЖОНДА ЙИЛ ИМОМИ АНИҚЛАНДИ
25.7.2015 4652
Жорий йилнинг 22 июль куни Ўзбекистон мусулмонлар идорасининг Андижон вилояти вакиллигида анъанавий ўтказилиб келинаётган “ЙИЛ ИМОМИ – 2015” кўрик танловининг вилоят босқичи бўлиб ўтди.
Қизғин ва кўтаринки руҳда ўтган танлов натажисига кўра, Избоскан туманидаги “Умар ибн Хаттоб” жоме масжиди имом-хатиби Юнусов Салимжон бир овоздан ҳар томонлама намунали ва фаол имом-хатиб сифатида эътироф этилди ҳамда танловнинг вилоят босқичи ғолиби деб эълон қилинди. Танлов низомига кўра, Юнусов Салимжон Тошкент шаҳрида бўлиб ўтадиган “Йил имоми – 2015” кўрик танловининг республика босқичида қатнашиш ҳуқуқини қўлга киритди.
Ўзбекистон мусулмонлари идораси
Масжидлар бўлими
Манба: Muslim.uz
