КЎНГИЛЛАР ШОДЛАНДИ
Бисмиллаҳир Роҳманир Роҳийм.
«(У) инсоннияратди. Унгабаённи (нутқни) таълимберди» (Ар-Раҳмон, 3–4).
Аллоҳ таоло бандаларига беҳисоб неъматлар берди. Нутқ-сўзлашиш ва самъ-эшитиш қобилияти неъматлар ичида алоҳида аҳамиятга эга. Чунки инсон, намоз, Қуръон ўқиши ва тинглаши учун ушбу неъматлар восита бўлади. Ижтимоий ҳаётда ҳам инсон бу неъматларсиз ҳаётини тасаввур қила олмайди. Ожиз банда неъматлар ичига шунғиб кетганидан, гоҳида бу неъматларнинг қадрини унутиб қўяди. Аллоҳ-Меҳрибон Зот, бандаларига неъматларининг шукрини адо этиш учун, уларнинг қадрини кўрсатиб қўяди. Сўзлашувида ва эшитишида нуқсони бор инсонларни орамизда бўлиши бу неъматларнинг қадрини бизга кўрсатиб туради. “Шайх Зайниддин” жомеъ масжидида Тошкент шаҳридаги кар-соқовлар жамиятида рўйхатда турувчи инсонлар билан бир қанча вақтдан буён учрашув ва тадбирлар утказиб келинади. Уларга динимиз софлиги ва эзгулиги, инсонпарварлиги, одамийлиги, жамиятда ҳеч бир инсонни эътиборсиз қолдирмаслиги ҳақида тушунчалар берилади.
Муборак “Қурбон ҳайити” муносабати билан, 22-август куни, “Шайх Зайниддин” жомеъ масжиди ташкилотчилигида “Исломобод” ошҳонасида,мазкур жамият аъзоларига байрам дастурҳони ёзилди. Тадбирда “Шайх Зайниддин” жомеъ масжиди имом хатиби Ҳусниддин домла Абдукаримов иштирок этиб, уларни байрам билан табрикладилар. Эътибор ва ғамхўрликдан жамият аъзолари хурсанд бўлиб, кўнгиллари шодланди. Якунда, юртимиз равнақи, халқимиз фаровонлиги, ризқимиз барокоти ва тинчлик-осойишталигимиз бардавом бўлишини Роббимиздан сўраб дуолар қилинди.
