Одилхон қори Юнусхон ўғли ташаккурнома билан тақдирланди.
Хабарингиз бор, Новосибирск шаҳри бош имом-хатиби Салим Шакирзяновнинг таклифи билан Одилхон қори Юнусхон ўғли Ўзбекистон Мусулмонлари идораси томонидан ташкил этилган делегациянинг аъзоси сифатида Россия Федерациясининг Новосибирск шаҳрида бўлди.
Делегация аъзоларида сафар давомида бўлиб ўтган маърифий тадбирлар, давра суҳбатлари, Новосибирск шаҳрининг турли масжидларида қилинган маърузалар, жамоат билан адо этилган жума намози ва Новосибирск шаҳри бош имом - хатиби Салим Шакирзянов билан бўлиб ўтган учрашувлар илиқ таассурот қолдирди.
Одилхон қори Юнусхон ўғлининг айтишича, бу каби ҳамкорлик мамлакатларимиз ўртасидаги муносабатларни янада мустаҳкамланишига хизмат қилади. Ислом динимиз ривожига ҳисса қўшади. Қолаверса, бугунги ахборот хуружи ва турли бузғунчи оқимларнинг даъватларига қарши курашишда алоҳида аҳамиятга эга.
Таъкидлаш керак, Одилхон қори Юнусхон ўғли сафар давомида фаол иштироки учун Новосибирск шаҳар жамоат ташкилоти “Ферганская долина” ўзбек миллий-маданий маркази томонидан ташаккурнома билан тақдирланди.
Куни кеча Новосибирск шаҳрида бир неча кунлик расмий ташриф билан бўлган делегиция аъзолари қайтиб келишди.
"Шайх Зайниддин" жоме масжиди матбуот хизмати