“Ғуломжон” исми ҳақида.18.01.2018
Савол:Ассалому алайкум, устоз. Менинг исмим “Ғуломжон”. Исмлар луғатида исмим "қул" деган маънони англатар экан. Устоз, бу ном Аллоҳнинг қули эканига ишора қилинганми? Жавобингиз учун раҳмат.
Булим7342
Ва алайкум ассалом. “Ғулом” сўзи арабча бўлиб, икки хил маънони англатади. Биринчиси, “ҳали балоғат ёшига етмаган бола, ўсмир”. Иккинчиси, “хизматкор, қул”. Қуръони каримда “ғулом” сўзи “ёш бола” ва “хизматкор” маъносида ҳам келган.
Сиз бу исмни қайси маънода қўлласангиз, шундай бўлади. Аллоҳ йўлида хизмат қилувчи, Аллоҳга қуллик қилувчи маъносини берсангиз ҳам жоиз. Биз “Ғуломиддин” (Дин йўлида хизмат қилувчи), “Ғуломуллоҳ” (Аллоҳнинг қули, У Зот йўлида хизмат қилувчи), “Ғуломқодир” (ҳар нарсага қодир Аллоҳнинг қули) исмларини ҳам эшитиб қоламиз. Демак, бунда ниятга қаралади. Валлоҳу аълам!